Presti ជាក្រុមហ៊ុនបារាំងដំបូង ដែលបានបង្កើតឡើងក្នុងខែវិច្ឆិកា ឆ្នាំ 2022 កំពុងប្រើប្រាស់ AI ជំនាន់ថ្មី ដើម្បីបង្វែររូបភាពផលិតផលតែមួយទៅជារូបថតដែលមើលទៅដូចពិតៗ។ ក្រុមហ៊ុនទើបតែរៃអង្គាសប្រាក់បានចំនួន 3.5 លានដុល្លារអាមេរិក ដែលដឹកនាំដោយក្រុមហ៊ុនវិនិយោគបច្ចេកវិទ្យាសកលលោក Partech ដោយមានពាណិជ្ជកម្មជាច្រើនរូបចូលរួមផងដែរ។

ដំបូងឡើយ Presti មិនបានបង្រួមការផ្តោតអារម្មណ៍របស់ខ្លួនចំពោះក្រុមហ៊ុនគ្រឿងសង្ហារឹមទេ ប៉ុន្តែការចាប់ផ្ដើមអាជីវកម្មភ្លាមៗបានដឹងថាក្រុមហ៊ុនគ្រឿងសង្ហារឹមប្រឈមមុខនឹងចំណុចពិបាកមួយចំនួន។

Toumi បាននិយាយថា “សម្រាប់ការថតរូប ពួកគេត្រូវការជួលផ្ទះស្អាតមួយ ពួកគេត្រូវការដឹកជញ្ជូនផលិតផល ដូច្នេះពួកគេត្រូវចំណាយថ្លៃថឹកជញ្ជូនខ្ពស់ ហើយការថតរូបទាំងនោះត្រូវបានគ្រោងទុកជាមុនជាច្រើនខែ ហើយត្រូវចំណាយអស់រាប់សែនអឺរ៉ូក្នុងមួយឆ្នាំ»។

Presti ប្រើ Stable Diffusion XL ជា Model គំរូ ហើយវាត្រូវបានគេកែសម្រួលឡើងវិញ ដូច្នេះវាធ្វើការបានយ៉ាងល្អសម្រាប់រូបភាពផលិតផលក្នុងឧស្សាហកម្មគ្រឿងសង្ហារិម។

Presti អះអាងថាមិនបញ្ឈប់ការបង្កើតវានោះទេ អតិថិជនក៏អាចបន្ថែមគ្រឿងបន្ថែមផងដែរ ជាឧទាហរណ៍ ប្រសិនបើអ្នកកំពុងបង្កើតរូបភាពផលិតផលសម្រាប់សាឡុងថ្មី អ្នកអាចបន្ថែមខ្នើយ ហើយខ្នើយទាំងនេះនឹងបញ្ចាំងស្រមោលជាក់ស្តែងនៅលើសាឡុង ហើយមើលទៅមិនដូចអ្វីដែលត្រូវបានបន្ថែមនៅក្នុង Photoshop នោះទេ។

ខណៈនេះនៅតែជាការងារដែលកំពុងដំណើរការនៅឡើយ Presti សង្ឃឹមថាអតិថិជនរបស់ខ្លួននឹងអាចផ្លាស់ប្តូរសម្ភារៈដោយប្រើឧបករណ៍របស់វា។ ជាលទ្ធផល វានឹងកាន់តែងាយស្រួលសម្រាប់ក្រុមហ៊ុនដែលប្រើប្រាស់ Presti ដើម្បីបញ្ចេញផលិតផលថ្មី។